Panoramali derazalardan tog‘larning ajoyib manzarasi ko‘zga tashlanadi. Milliy qozoq hunarmandchilik mahsulotlari interyerga uyg‘unlik bag‘ishlaydi. O‘rindiq, gilam va dekorativ bezaklarning barchasi hunarmandlarning qo‘l mehnati asosida tayyorlangan. Asosiy zaldan tashqari o‘tov ko‘rinishidagi alohida bino ham mavjud.

Asosiy taomnoma Markaziy Osiyoning ko‘chmanchilar davriga xos taomlarini mualliflik talqinida taklif etadi. Neo-nomadlar taomlari ochiq olovda, qozon, manqaldon va tandirda tayyorlanadi. Ayrim mahsulotlar, jumladan ko‘kat va sabzavotlar restoran hududidagi kichik fermada yetishtiriladi.

Aksariyat taomlar ko‘chmanchilik madaniyatiga xos uch asosiy masalliq – suv, un va go‘shtdan tayyorlanadi. Ko‘chmanchilar iste’mol qilgan mahalliy mahsulotlarga alohida e’tibor qaratiladi. Ko‘chmanchilar davrida taom mahalliy sharoit va mavsumdan kelib chiqqan holda tayyorlangan, Auyl ham ushbu tamoyilga amal qilmoqda.

Restoran Prix Versailles – YUNESKOning an’anaviy me’morchilik mukofotiga ko‘ra dunyodagi eng chiroyli restoranlar o‘n oltitaligidan joy olgan.

Manzil: Olmaota, Kerey-Janibeka Xandar ko‘chasi, 586.