Silk Road Samarkand 2022 yilda ochilgan bo‘lib, Buyuk Ipak Yo‘lining an’analarini zamonaviy premium darajadagi qulaylik bilan uyg‘unlashtirgan keng ko‘lamli madaniy ekotizimga aylangan.

Majmua 260 gektardan ortiq maydonda joylashgan bo’lib, dam olish uchun zarur bo’lgan hamma narsani o’zida mujassam etgan. Bu yerda mehmonlarni biznes maydonlari, gastronomik maskanlar, madaniy maskanlar, sog‘lomlashtirish markazlari va xalqaro hamda mintaqaviy brendlar tomonidan boshqariladigan sakkizta mehmonxona kutmoqda. Shu jumladan, Samarqanddagi birinchi besh yulduzli mehmonxonalar ham mavjud bo‘lib, ular uch minggacha mehmonni qabul qilish imkoniyatiga ega. Sayohatchilar standart xonalar yoki hashamatli lyuks-apartamentlarda joylashish imkoniyatiga ega.

Tinch va sokin dam olishni yoqtiradiganlar uchun Eco Village majmuasida o‘z oshxonasi, yotoqxonasi, mehmonxonasi, ovqatlanish zonasi, basseyni va barbekyu maydonchasiga ega 14 ta yog‘och villa mavjud. Villalar Superior, Premium, Executive va Grand toifalarida taqdim etilgan bo‘lib, oilaviy dam olishdan tortib rasmiy-mehmondo‘stlik uslubigacha bo‘lgan har qanday dam olish turiga mos — qulaylik darajasini tanlash imkonini beradi.

“Abadiy shahar” esa Silk Road Samarkand majmuasining alohida faxriga aylandi. Ochiq osmon ostidagi ushbu atmosferali muzeyda butun O‘zbekistonning barcha hududlaridan kelgan ustalar keramika, chilangarlik, to‘qimachilik, kashta va kulolchilik kabi qadimiy an’analarni jonlantiradilar. Mehmonlar nafaqat tomosha qilishlari, balki o‘zlarini hunarmand sifatida sinab ko‘rib, mamlakatning jonli tarixiga sho‘ng‘ish imkoniyatiga ega bo‘ladilar.

Har qanday darajadagi biznes tadbirlar uchun 18 000 m² maydonga ega zamonaviy Kongress markazi barpo etilgan. Silkroad Waterland akvaparki, kanal bo‘ylab qayiqda sayrlar va lazer effektlari bilan ijro etiladigan kuylovchi favvoraning kechki shoulari  — mehmonlarga yorqin taassurotlar va ajoyib kayfiyat bag‘ishlaydi.

Kunni Wellness-markazida yakunlash mumkin, bu yerda tashrif buyuruvchilarni tajribali mutaxassislar nazorati ostida tiklanish va parvarish dasturlari kutmoqda. Besh yulduzli mehmonxonalar esa o‘z spa-komplekslari bilan infratuzilmani to‘ldiradi, bu yerda mehmonlar kun davomida yig‘ilangan charchoqni yengib, dam olishlari mumkin.

Silk Road Samarkand nafaqat yangi sayyohlik maskani, balki O‘zbekistondagi zamonaviy sayohat falsafasini ifodalaydi: boy madaniy meros bilan zamonaviylikning uyg‘unlashuvi. Bu yerda har bir kishi o‘ziga esda qolarli marshrutlarni topishi mumkin: kutilmagan kashfiyotlarga boy sayohat, biznes uchrashuvlari, oilaviy dam olish yoki o‘ziga bag‘ishlangan vaqt.