Toshkentda O’mon Sultonligining Milliy bayrami nishonlandi
2025-yil 20-noyabr kuni O’mon Sultonligi milliy bayrami munosabati bilan O‘zbekiston Respublikasidagi O’mon Sultonligi Elchixonasi tomonidan tantanali qabul marosimi tashkil etildi.
O'mon Sultonligi orkestri Milliy bayram sharafiga tashkil etilgan qabul marosimida milliy kuylarni ijro etmoqda Surat: Svyatoslav Sviridenko
Tadbirda faxriy mehmon sifatida Maktabgacha va maktab ta’limi vaziri hamda bir qator elchilar va davlatning yuqori darajadagi rasmiylari ishtirok etdi.
O‘zbekiston Respublikasidagi O’mon Sultonligining Favqulodda va Muxtor Elchisi, hurmatli Vafa Al-Busaiydining nutqi Surat: Svyatoslav SviridenkoChapdan o‘ngga: O‘zbekiston Respublikasi Maktabgacha va maktab ta’limi vaziri Karimova E’zozaxon; O’mon Sultonligining O‘zbekistondagi Favqulodda va Muxtor elchisi xonim Vafa Al Busaidi Surat: Svyatoslav Sviridenko
Shuningdek, yirik kompaniyalar rahbarlari, biznes vakillari, akademik doiralar hamda ommaviy axborot vositalari vakillari ham tashrif buyurdilar.
Chapdan o‘ngga: Tarjimalar muharriri Ozodaxon Ikromova; Birinchi kotib Saud Al Yahyai; Missiya boshlig‘i o‘rinbosari janob Badar Al Hosni; O‘zbekiston Respublikasidagi O‘mon Sultonligi Favqulodda va Muxtor Elchisi Vafa Al-Busaidi xonim; Travel+Leisure Central Asia jurnali bosh muharriri Barno Ikromova Surat: Svyatoslav Sviridenko
Mehmonlar Sultonlik orkestri ijrosidagi O’mon milliy qo‘shiqlarni zavq bilan tingladilar.
